Sinopse de O Castro de Caldelas. Monografía xeográfica i-etnográfica d´unha vila da nosa terra (Edición facsimilar)
O 12 de outubro de 2023 celebrouse o centenario da fundación do Seminario de Estudos Galegos, institución de referencia na historia da investigación do patrimonio cultural de Galicia. O Seminario converteuse nunha realidade grazas á colaboración da Xeración Nós.
A Deputación edita este libro para recoñecer e conmemorar o centenario deste seminario no marco do seu Plan Anual de Publicacións. É unha obra facsimilar dunha separata escrita por Vicente Risco con motivo do seu ingreso no Seminario de Estudos Galegos.
Tratamos de dar a coñecer ás xeracións actuais o modelo de investigación que promoveu Vicente Risco ao redor da xeografía, a historia e a etnografía dun territorio concreto. A nova edición comprende, ademais un prólogo da Fundación Vicente Risco e unha introdución de Afonso Vázquez -Monxardín.
Reseñas
Aínda non hai valoracións.