Xoán, Xoana. [XIX Premio de literatura infantil e xuvenil Pura e Dora Vázquez]

Sinopse de Xoán, Xoana. [XIX Premio de literatura infantil e xuvenil Pura e Dora Vázquez]

Francisco Castro Veloso (Vigo, 1966) e Elena Andrés son os gañadores do XIX Premio de Literatura Infantil e Xuvenil Pura e Doura Vázquez, na modalidade de narración e ilustración respectivamente. A obra ten unha excelente calidade literaria, sendo un texto no que se observa un gran equilibrio entre os diálogos e a narración e que achega ao público a valores interesantes ao tratar un tema de plena actualidade, a reafirmación de identidade na adolescencia. Ten un bo manexo dos personaxes e un excelente ritmo narrativo. Potencia desde o principio o interese por coñecer o final e por saber que vai pasar. Ten unha temática na que o autor dá visibilidade aos aspectos de xénero, que trata con naturalidade dentro dun contexto educativo e dá voz á diversidade. Aborda unha cuestión que produce ás veces situacións de conflito como é o acoso a través do fútbol e nos parios do recreo, ademais de reflectir un problema que se presenta, tanto entre os nenos como cos adultos; no colexio e na familia. É unha historia que provoca que o lector empatice cos que son diferente e ponnos a todos ante o espello.