Sinopse de A Ponte Maior. La razón de ser de una ciudad: el puente romano-medieval de Ourense
Esta obra refírese a un símbolo da cidade de Ourense. Un elemento patrimonial que define a esta cidade, A Ponte.
O texto foi seleccionado polo Consello Asesor de Publicacións dentro do marco do primeiro concurso para selección de obras para edición e coedición por parte da Deputación, no marco do Plan Anual de Publicacións. No ano 2013 a Deputación Provincial de Ourense publica unha Ordenanza de Publicacións que obriga á institución para establecer o que vai publicar a través dun Plan Anual de Publicacións.
Dentro dese Plan Anual introdúcese un concurso ao que cada ano preséntanse textos para ser seleccionados por un Consello Asesor que informa e valora as obras presentadas para que poidan ser, ou non, editadas por esta institución. A obra Juan Carlos Rivas foi a mellor puntuada no concurso do ano 2014.
O autor ten amplos coñecementos sobre o tema e trata de poñer a disposición do lector un gran abanico de información histórica, gráfica e fotográfica referida á ponte.
É un rigoroso traballo desde o punto de vista metodolóxico, que se fai empregando fontes primarias e secundarias da historia. É extenso e complexo, sendo unha obra de referencia sobre un dos emblemas da cidade, e a única monografía específica sobre este tema, salvo un pequeno folleto de Chamoso Lamas de 1969, tamén publicado por esta institución e xa esgotado.
