Ourense no tempo. Imágenes con historia, historia en imágenes

Sinopse de Ourense no tempo. Imágenes con historia, historia en imágenes

Rafael Ángel Salgado Sánchez é un ourensán apaixonado pola fotografía antiga. No ano 2008, por diversión, comezou a recompilar antigas fotografías da cidade e da provincia de Ourense, coa intención de documentar e datar cada unha delas. Para poder compartir os seus achados, abriu nas redes o blog “Ourensenotempo.com” no que mostraba diariamente, polo menos, unha destas fotografías. Co tempo este blog persoal foi adquirindo visibilidade e os seus adeptos eran cada vez máis esixentes, á vez que colaboraban achegando novas fotografías e datos. Rafael Salgado, tras máis de quince anos de traballo, conserva máis de 100.0000 imaxes dixitais da cidade de Ourense. Sendo xa coñecido o seu traballo, o diario La Región empeza a publicar unha selección de artigos coas súas entradas no blog, colaboración que se mantén aínda hoxe coa publicación de máis de 900 artigos, algúns dos cales forman parte deste libro.