O nariz de Fiz. [V Premio de literatura infantil e xuvenil Pura e Dora Vázquez]

Sinopse de O nariz de Fiz. [V Premio de literatura infantil e xuvenil Pura e Dora Vázquez]

Na aldea de Santa Uxía, aló no alto da montaña e na casa máis afastada, naceu un rapaciño pequeno e bonito, ao que acordaron chamarlle Fiz. Toda a aldea o celebrou pois só había sete cativos e nos dous últimos anos non nacera ningún. Cando tiña dous anos, a nai deuse conta de que ao lonxe non vía ben, polo que o pai levouno ao oculista á vila, a Vilancosta, que lle diagnosticou miopía. Foron logo á cidade, a Pontelonga, para comprar os lentes, nunha viaxe de máis de dúas horas no autobús chea de sobresaltos e que aproveitan para facer moitas cousas. Un día foi cos pais á feira da vila e tamén fixeron moitas cousas. Despois van a xantar a casa dunha amiga e alí o neno vai con esta a unha cova onde teñen cen peripecias para saír. Fiz co seu nariz percibiu o cheiro dos bidueiros do río e guiounos ao exterior. Onde xa estaban os pais, preocupados pola tardanza dos rapaces. E dende entón o nariz de Fiz fíxose famoso en toda a comarca. Aínda que non o sacaron na televisión, porque naquel tempo aínda non se inventara.