Padre Manuel Feijóo. Obra polifónica

Sinopse de Padre Manuel Feijóo. Obra polifónica

A Deputación de Ourense dentro da súa liña editorial abarca a edición de obras relacionadas coa música da provincia. Nesta liña de traballos, no ano 2010, a Deputación Provincial contratou a compilación da obra do franciscano ourensán natural de Outomuro en Cartelle, padre Manuel Feijóo, cuxos manuscritos están depositados no arquivo do Convento Franciscano de Santiago de Compostela coa intención de, nalgún momento posterior, publicar a obra musical deste compositor. O traballo consistiu en catalogar os manuscritos, facer unha análise musicolóxica e paleográfica da obra, transcribila e maquetar as partituras orixinais. Traballo que fixo Carlos Núñez Deza e que agora, a Asociación Exorfeonistas do Orfeón Terra a Nosa e Amigos do Padre Manuel Feijoo xunto coa Deputación de Ourense coeditan coa intención de promocionar e difundir a senlleira figura do padre Feijóo.