Patrimonio etnográfico galego IV. Os camiños de Santiago. Miradas e experiencias.

Sinopse de Patrimonio etnográfico galego IV. Os camiños de Santiago. Miradas e experiencias.

Actas do IV Congreso de Patrimonio Etnográfico celebrado en Ourense, coordinado por Xosé Manuel Cid, Fátima Braña, Xulio e Mariló Fernández e organizado polo Centro de Cultura Popular Xaquín Lorenzo e a Facultade de Ciencias da Educación da Universidade de Vigo.O volume comeza cun recordatorio da figura do antropólogo Xosé Antón Fidalgo por parte de Xosé Manuel Cid, para pasar á análise dos Camiños de Santiago desde cinco grandes ópticas, como son as ANOTACIÓNS HISTÓRICAS de Manuel F. Rodríguez e Carmen A. Pugliese sobre as motivacións para facer o Camiño e o papel das mulleres peregrinas respectivamente. As MIRADAS ANTROPOLÓXICAS de Manuel Vilar e Fátima Braña sobre o porqué da antropoloxía e as accións patrimoniais. Eva Mouriño, Xosé Antón Fidalgo e Xosé Benito Reza abordan O CAMIÑO FRANCÉS dende o punto de vista da súa recuperación e beleza paisaxística. Nos CAMIÑOS DO SUR, da delimitación da Vía da Prata ocúpase Yolanda Barriocanal, Xabier Limia defíneos como un camiño de transformación persoal e Eligio Rivas trata de acercarnos ás diferentes denominacións, para que Lourdes Maceiras nos presente a realidade sanitaria do Camiño Minhoto-Ribeiro. Para rematar cos CAMIÑOS DE SANTIAGO AOS OLLOS DOS/AS EDUCADORES/AS por parte de Xesús Rodríguez e Raquel Mariño, mais Rosa Vicente.