Moldes. Congostra de pintura

Sinopse de Moldes. Congostra de pintura

A exposición tivo lugar a cabalo dos anos 2012 e 2013, máis exactamente, do 21 de decembro ao 24 de febreiro, no Centro Cultural Marcos Valcárcel da Deputación de Ourense. Con este motivo fíxose esta publicación, na que se presenta parte da obra exposta con textos da man do propio Moldes.
O percorrido comeza cunha obra de gran formato, coma «A matanza do gran porco» , para logo dividirse en tres partes ben diferenciadas: a primeira, conformada por unha serie de traballos feitos nos anos 2007-2008, nos que destaca un dos lemas máis divulgados de Mies van der Rohe «Less is more» (Menos es más). Na segunda, partindo dunha figuración non tan plena como pode ser Dida-Dormente, buscando simboloxías que marcaran os rostros, achéganos ata outros máis concretos como pode ser Dida- Avó indignado. Veu pasar tempo dabondo. A obra máis recente mostrásenos na derradeira parte da exposición, na que destaca de novo a figuración e o seu desenvolvemento en círculo.