Sinopse de La casa de Monterrey. De señorío gallego a grandeza de España. (Agregada a la casa de Alba desde 1733).
Obra aprobada no Concurso de Publicacións da Deputacion do ano 2016. Comprende un amplo estudo que trata sobre a casa condal de Monterrey no contexto histórico-político de España nas súas distintas épocas: formación na Baixa Idade Media, cos Biedma e Zúñiga; o seu fortalecemento no tránsito á Idade Moderna,unidos matrimonialmente cos Ulloa e Acevedo-Fonseca, o que incrementou notablemente o seu patrimonio; a definitiva consolidación, xa na Idade Moderna, foi lograda ao entroncarse cos Fernández Velasco e os Haro-Guzmán, liñaxes todos de gran prestixio cortesán.
Durante os seus catro séculos de historia estiveron sempre á beira dos distintos reis de España, desempeñando fielmente os postos que lle foron confiados, tanto militares como diplomáticos, sendo embaixadores, vicerreis ou gobernadores xerais nos distintos territorios que lles foron asignados, o que conlevou que fose premiada a súa fidelidade co título máis prezado da Grandeza de España.
En 1733 sería agregada á Casa Ducal de Alba.
