Sinopse de Enrique Tenreiro. (Punto e aparte)
Catálogo de exposición da obra de enrique tenreiro
A exposición tivo lugar entre o 4 de abril e o 5 de maio do 2013, no Centro Cultural Marcos Valcárcel da Deputación de Ourense, con pezas da súa obra escultórica xunto con xilografías, intimamente relacionadas polo movemento das curvas continuas.O catálogo, ademais da obra exposta, contén textos de Francisco de Pablos, Xabier Limia Gardón, Cristina Carballedo, Ánxeles Penas, Francisco X. Fernández, M. Anxo Fernán, Pedro Vasco, Patricia Hermida, Roberto L. Moskowich, Juana Prieto, Soledad Penalta e Enrique Tenreiro. Dividido en seis partes ben diferenciadas, na primeira delas, La pasión, mostrásenos o seu traballo en talla; na segunda, Lo onírico, a obra pictórica; na terceira, La emoción, fotografías de performances e instalacións varias, unha cuarta, con Los recuerdos, fotografías e textos do propio autor; na quinta, Momentos compartidos, instantáneas co autor; e, finalmente, Recortes, noticias de prensa dos anos 2010 ata o 2013 e dedicatorias varias por persoeiros da cultura.
