Sinopse de Folliñas que levou o tempo. Contos da Ribeira Sacra
Eduardo Prieto presenta o seu libro como «memorias de memorias», e Antonio Carreño, que escribe o limiar, dinos do autor «…Volve sobre os seus afastados pasos, nunca perdidos, nun andar imaxinado, visual e memorístico, topográfico e mítico, emblemático e textual: paisaxe humana e escritura rítmica, sorprendente, dun espazo rural e máis humano cheo de maxia e de encanto memorial chamado Ribeira Sacra».
Dividido en: «Contos de Parada de Sil, «Contos de Chandrexa», «Contos da Barca de Baixo», «Contos de San Vítor de Barxacova», «Contos de Sacardebois», «Contos da Casa de Viana», «Contos da Fraga», «Contos do cruceiro de Forcas», «Contos á beira do Mao». Aparecen con ilustracións do fillo do autor Eduardo Prieto González.
